ભુજ
સ્વ. અમરબેન ખીમજી ગામી, સ્વ. વેલજીભાઈ ખીમજી ગામી (માધાપર) ના આત્મશ્રેયાર્થે દાતાશ્રી ગં.સ્વ. સવિતાબેન વેલજી ગામી તરફથી હસ્તે શ્રી શિવજીભાઈ લાલજી (પટેલ) હિરાણી દ્વારા એક ડાયાલિસિસ મશીન માટે રૂ. 750,000/- નું ડોનેશન અને 183મો ફ્રી મેગા આઈ ઓપરેશન કેમ્પ યોજાઈ ગયો. જેમાં આંખના 92 જરૂરીયાતમંદ દર્દીઓના ફ્રી ઓપરેશન કરવામાં આવ્યાં. ફ્રી આઈ કેમ્પ અને ડાયાલિસિસ મશીનનું લોકાર્પણ કાર્યક્રમ લાયન્સ હોસ્પિટલ ભુજ મધ્યે યોજાયો
અત્રે ઉલ્લેખનીય છે કે, તાજેતરમાં જ આ પરિવાર દ્વારા આંખનો એક કેમ્પ કરાવવામાં આવ્યો હતો. હોસ્પિટલની સેવાકીય પ્રવૃત્તિઓથી પ્રભાવિત થઈ તેઓને ફરીથી ડોનેશન કરવા પ્રેરણા મળેલ. દાતાશ્રી સવિતાબેન પોતે માધાપરના નિવાસી છે અને યુ.કે.માં નિવાસ કરે છે.
કાર્યક્રમમાં શ્રી શિવજીભાઈ લાલજી પટેલ (હિરાણી), શ્રીમતી શાંતાબેન શિવજી પટેલ (હિરાણી), શ્રી રમેશભાઈ પટેલ (હિરાણી), શ્રીમતી કાંતાબેન પટેલ (હિરાણી), શ્રી નિકુલભાઈ પટેલ (હિરાણી), શ્રી વિવેકભાઈ પટેલ (ઠાકરાણી), શ્રીમતી મીનાબેન પટેલ (ઠાકરાણી), શ્રી ગોપાલભાઈ પટેલ (ઠાકરાણી), શ્રીમતી ધનુબેન પટેલ (ઠાકરાણી), શ્રી જગદીશભાઈ દરજી તેમજ પરિવારના અન્ય મહેમાનો ઉપસ્થિત રહ્યા હતા.
લાયન્સ ક્લબ ઓફ ભુજના પ્રેસિડેન્ટ MJF લાયન અજીતસિંહ રાઠોડે સ્વાગત પ્રવચન કર્યું હતું. હોસ્પિટલના ટ્રસ્ટી અને ફર્સ્ટ વાઈસ ડિસ્ટ્રીક્ટ ગવર્નર MJF લાયન અભય શાહે સર્વેને હોસ્પિટલની પ્રવૃત્તિઓ વિશે વિગતવાર માહિતી આપી હતી.
લાયન નવીન મહેતા, લાયન અનુપ કોટક, લાયન શૈલેષ ઠક્કર, લાયન શૈલેષ માણેક, લાયન ઈશાન ટાંક વગેરે લાયન મેમ્બર ઉપસ્થિત રહ્યા હતા. અન્ય લાયન મેમ્બર્સ અને આંખના ઓપરેશન કરાવવા આવનાર દર્દીઓના સગા અને ડાયાલિસિસ કરાવતા દર્દીઓના સગા પણ ઉપસ્થિત રહ્યા હતા.
સર્વેએ હોસ્પિટલના તમામ વિભાગોની મુલાકાત લીધી હતી. હોસ્પિટલની સેવાકીય પ્રવૃત્તિ નિહાળી સૌ પ્રભાવિત થયા હતા. હોસ્પિટલની પરંપરા પ્રમાણે દાતા પરિવારનું પાઘડી, શાલ, સન્માનપત્ર તથા મોમેન્ટોથી સ્વાગત કરાયું હતું. જ્યારે અન્ય ઉપસ્થિત તમામ મહેમાનોનું શાલ અને મોમેન્ટોથી સન્માન કરવામાં આવ્યું હતું.
પ્રોજેક્ટ કો-ઓર્ડિનેટર તરીકે લાયન કુરજી કેરાઈ અને ધનુબેન કેરાઈએ સેવા આપી હતી. લાયન વિપુલ જેઠીએ આભાર વિધિ કરી હતી. અને કાર્યક્રમનું સંચાલન લાયન ચેતન ચૌહાણે કર્યું હતું.