ભુજ
શ્રી કિરણભાઈ દેવશીભાઈ ભુડીયાના જન્મદિવસ નિમિત્તે Stayfix Ltd. UK તરફથી લાયન્સ હોસ્પિટલ ભુજ મધ્યે કચ્છના આંખના 112 જરૂરીયાતમંદ દર્દીઓના ફ્રી ઓપરેશન કરાવાયાં. ફ્રી આઈ કેમ્પ નં. 186 નું આયોજન LNM લાયન્સ હોસ્પિટલ ભુજ મધ્યે કરવામાં આવ્યું. જેમાં કચ્છના અલગ અલગ ગામોના દર્દીઓએ પોતાની આંખના મોતિયાના ઓપરેશન કરાવવા આવ્યા હતા.
લાયન્સ હોસ્પિટલની આંખ વિભાગની ટીમ દ્વારા અલગ અલગ ગામોમાં જઈ પહેલા ગામલોકોના ફ્રી આઈ સ્ક્રીનીંગ કર્યા હતા. જેમાં જે લોકોને મોતિયાના ઓપરેશનની જરૂર હોય તેઓને હોસ્પિટલમાં ફ્રી ઓપરેશન માટે બોલાવવામાં આવ્યા હતા. અને દાતા પરિવારના સહયોગથી તમામના ઓપરેશન વિનામૂલ્યે કરવામાં આવ્યા હતા.
લાયન્સ હોસ્પિટલ ભુજ દ્વારા અત્યાર સુધીમાં 40,000 થી વધુ આંખના ફ્રી ઓપરેશનો કરવામાં આવ્યા છે. જે તમામ કચ્છના અલગ અલગ ગામોમાંથી આવતા દાતાઓ દ્વારા કરાવવામાં આવે છે.
હોસ્પિટલના ચેરમેન MJF લાયન ભરત મહેતા, લાયન મનસુખ શાહ, લાયન વાડીલાલ ઠાકરાણી, લાયન દિનેશ ઠક્કર, લાયન નરેશ દાવડા, લાયન વ્યોમા મહેતા વગેરેએ કેમ્પમાં હાજરી આપી અને સેવા આપી હતી.