ભુજ, તા. 12-01-2025
ડિસ્ટ્રીક્ટ 3232-J of India અને ડિસ્ટ્રીક્ટ 105-A of UK સાઉથ હોલ લાયન્સ ક્લબ CIO લંડન દ્વારા ઈન્ટર ડિસ્ટ્રીક્ટ ટ્વિનિંગ પ્રોજેક્ટ દાતાશ્રી લાયન ઈકબાલ સુતરવાલા અને લાયન લેડી રશીદા સુતરવાલા પરિવાર તરફથી લાયન્સ હોસ્પિટલ ભુજ મધ્યે કચ્છના આંખના જરૂરીયાતમંદ 110 દર્દીઓના ફ્રી ઓપરેશન કરાવાયાં. ત્રિદિવસીય આઈ કેમ્પ નં. 198 નું આયોજન હોસ્પિટલ મધ્યે કરવામાં આવ્યું.
આ કાર્યક્રમમાં મુખ્ય મહેમાનશ્રીઓ લાયન મહેન્દ્રભાઈ ગોકાણી (પાસ્ટ પ્રેસિડેન્ટ, સાઉથ હોલ લાયન્સ ક્લબ CIO લંડન), લાયન લેડી દિપકબેન ગોકાણી, અતિથિ વિશેષશ્રીઓમાં રોહિણીબેન પૃથ્વીરાજ (રાજુભાઈ) કોટક, પ્રીતિબેન એ. રામજીયાણી અને અમરતભાઈ આર. રામજીયાણી, લાયન લેડી શાંતાબેન મનજી કારા અને લાયન મનજી કારા, ડો. પ્રવિણભાઈ દોશી ઉપસ્થિત રહ્યા હતા.
સ્વાગત પ્રવચન લાયન્સ ક્લબ ઓફ ભુજના પ્રેસિડેન્ટ લાયન અજીતસિંહ રાઠોડે કર્યું હતું. તેમજ હોસ્પિટલના ચેરમેન MJF લાયન ભરત મહેતા સર્વેને હોસ્પિટલની પ્રવૃત્તિઓ વિશે વિગતવાર માહિતી આપી હતી. લાયન્સ ક્લબના લાયન મીના મહેતા, લાયન શૈલેન્દ્ર રાવલ, લાયન શૈલેષ માણેક તેમજ અન્ય લાયન મેમ્બર્સ અને આંખના ઓપરેશન કરાવવા આવનાર દર્દીઓના સગા અને ડાયાલિસિસ કરાવતા દર્દીઓના સગા પણ ઉપસ્થિત રહ્યા હતા.
સર્વેએ હોસ્પિટલના તમામ વિભાગોની મુલાકાત લીધી હતી. હોસ્પિટલની સેવાકીય પ્રવૃત્તિ નિહાળી સૌ પ્રભાવિત થયા હતા. હોસ્પિટલની પરંપરા પ્રમાણે દાતા પરિવારનું પાઘડી, શાલ, સન્માનપત્ર તથા મોમેન્ટોથી સ્વાગત કરાયું હતું. જ્યારે અન્ય ઉપસ્થિત તમામ મહેમાનોનું શાલ અને મોમેન્ટોથી સન્માન કરવામાં આવ્યું હતું. કાર્યક્રમનું સંચાલન તેમજ પ્રોજેક્ટ કો-ઓર્ડિનેટર તરીકે લાયન પ્રફુલ શાહ દ્વારા સેવા આપવામાં આવી હતી. આભાર વિધિ લાયન અનુપ કોટકે કરી હતી.