શ્રીમતી સુંદરબેન દેવશી પટેલ પરિવાર (માધાપર-UK) તરફથી અ.નિ. દેવશીભાઈ કાનજી પટેલના આત્મશ્રેયાર્થે ભુજ લાયન્સ હોસ્પીટલને એક ડાયાલિસીસ મશીનનું દાન રૂા. 7,50,000/- મળેલ છે. જેનો લોકાર્પણ સમારોહ LNM લાયન્સ હોસ્પિટલ મધ્યે યોજાઈ ગયો.
કાર્યક્રમમાં શ્રીમતી સુંદરબેન દેવશી પટેલ, શ્રી લાલજીભાઈ દેવશી કેરાઈ, શ્રીમતી પ્રેમિલાબેન લાલજી કેરાઈ, કુ. મલ્લિકા કેરાઈ, શ્રી નેયસલ કેરાઈ, શ્રીમતી રાધિકા ચંદારાણા, શ્રી મનોજભાઈ હંસોરા વગેરે ઉપસ્થિત રહ્યા હતા.
સ્વગત પ્રવચન લાયન્સ ક્લબ ઓફ ભુજના સેક્રેટરી લાયન વિપુલભાઈ જેઠીએ કર્યું હતું. હોસ્પિટલના ચેરમેન MJF લાયન ભરત મહેતાએ હોસ્પિટલમાં ચાલતી ફ્રી કિડની ડાયાલિસિસ, ફ્રી આંખના મોતિયાના ઓપરેશન, ડેન્ટલ ડિપાર્ટમેન્ટ, ઓડિયોમેટ્રી ડિપાર્ટમેન્ટ, જનરલ ઓપીડી, પેથોલોજી લેબોરેટરી, એમ્બ્યુલન્સ વગેરે સેવાકીય પ્રવૃત્તિઓથી સર્વેને વાકેફ કર્યા હતા અને ફ્રી કિડની ડાયાલિસિસ કરાવતાં દર્દીઓના પરિવાર વતી દાતાશ્રીનો દિલથી આભાર માન્યો હતો. તેઓએ જણાવ્યું હતું કે, છેલ્લા 20 વર્ષથી લાયન્સ હોસ્પિટલ કિડનીના દર્દીઓને ફ્રી ડાયાલિસિસની સેવા આપી રહી છે. અત્યાર સુધી 1,82,000 થી વધુ ફ્રી ડાયાલિસિસ અહીં પૂર્ણ કરવામાં આવ્યાં છે. કચ્છના અલગ અલગ ગામોમાંથી 150 થી વધુ દર્દીઓ નિયમિત અહીં ડાયાલિસિસ કરાવવા આવે છે. લાયન નવીન મહેતા, લાયન અનુપ કોટક, લાયન મનસુખ શાહ, લાયન હીરજી વરસાણી, લાયન શૈલેષ માણેક વગેરે લાયન મેમ્બર્સ ઉપસ્થિત રહ્યા હતા.
આભાર વિધિ લાયન ઈશાન ટાંક તેમજ કાર્યક્રમનું સંચાલન લાયન અભય શાહે કર્યું હતું.